Autor: B.net

Udaljavanje policijskog službenika Božidara Jaukovića iz policijske organizacije do izjašnjenja mjerodavnog tužioca presedan je i dobar postupak policijskog menadžmenta.

Važno je da ovakavi postupci postanu održiva praksa.

Međutim teret utvrđivanja odgovornosti u konkretnom slučaju ne smije biti samo na tužiocu već se provjerom primjene policijskih ovlašćenja efikasno mora baviti i uspostvljeni sistem kontrole rada policije. To su unutrašnja, građanska i parlamentarna kontrola.

Takođe Predsjednica Vrhovnog suda, u sklopu borbe protiv korupcije i organizovanog kriminala unutar sudijske organizacije, dužna je naložiti provjeru da li je pozadina ovako blagih kazni za teška krivična djela koja su svojevremeno Jaukoviću stavljena na teret, eventualna sprega pojedinih lokalnih preduzetnika i moćnika i njihove kumovskei rođačke veze sa pojedincima, koji sada ili su u prošlosti imali, visoke pozicije u lokalnoj policiji i sudstvu.

Događaj je konačno prilika da se ispita i napokon utvrdi prošla i trenutna povezanost pojedinaca iz sfere biznisa, policije i pravosudnih organa i koliko ona zapravo limitira vladavinu prava i ravnopravnost građana, stoji u izjavi mr. Aleksandra Saše Zekovića, član Savjeta za građansku kontrolu rada policije